د اسلامي امارت د استخباراتو لوی ریاست د مطبوعاتو مسوول خلیل همراز د «۱۴۰۰ کال د لړم پر ۱۹ مه » کابل په لومړي ځل د دغه ریاست د لاسته راوړنو او خلکو اندېښنو ځواب کولو لپاره کنفرانس ورکړ.
همراز وايي، ۳۳ داعش غړي یې وژلي او د دوی د لوړپوړو کسانو په ګډون یې ۶۰۰ نور نیولي او په وینا یې د پاتې نورو پس جدي تعقیب روان دی او هېڅ ځای به خوندي پاتې نه شي.
د همراز په خبره، د داعش مالي ملاتړي، د اړیکو تنظیمونکي او عملیاتي کسان یي نیولي او نور د دغه ډلې ګواښ د اندېښنې وړ نه دی او نه شي کولی،چې له افغان خاورې د سیمې هېوادونو ته ګواښ پېښ کړي.
همراز زیاته کړه:« تیرو درې میاشتو په دوران کې د هېواد په بېلا بېلو ولایتونو او سیمو کې شااوخوا شبږ سوه تنه هغه کسان چې داعش ډلې ته منسوب و او په دغه نوم یې وژنې کولې او د استخباراتو کړیو په مټ یې چاودنې او موټر بمونه پلانول، نیول شوي دي.»
په ورخت کې همراز وايي، لسګونه وسله وال غله او ۸۲ انسان تښتونکي یې نیولي او په خبره یې ۱۲ هغه کسان یې خوشې کړي،چې تښتول شوي وو.
هغه وايي، د دوی په لیکو کې یې له دوه نیم زور زیات هغه کسان هم په نښه کړي،چې نامطلوب دي او له دې ډلې یې دوه سوه کسان اېستلي هم دي.
هغه زیاتوي:« لسګونه غله او نور له نظامي توکو سره یو ځای نیول شوي،چې په مرسته یې د غلاو کچه په بې سارې ډول راټیټه شوې او د اسلامي امارت په لېکو کې د ګډ شویو مفسدو کسانو په برخه کې هم د ۲۷۰۶ نامطلوب او بدنام کسانو لیستونه هم رارسېدلی دی.»
استخباراتو دغه راز ۶۷ هغه کسان هم نیولي،چې خلکو ته به یې بېلا بېل جعلي اسناد جوړول.
دوی ولس ته ډاډ ورکوي،چې امنیت به یې لا خوندي کړي او د همکارۍ لپاره ترې غوښتنه کوي،چې د مشکوکو پېښو په تړاو له ۱۰۱ وړیا شمېرې سره اړیکه ونیسي او همکاري وکړي،چې هویت به یې پټ وساتل شي.
