د هلمند – کندهار پر لویه لاره د ملي اردو پر امنیتي پوستو موټر بم چاودنې شوې دي.
ویل کیږي موټربم برید و چې ورسره سم جګړه هم پیل شوې وه.
د هلمند د والي ویاند عمر ځواک بیا وایې، تیره شپه د دوه موټر بم بریدونو له امله دوه پوځیان وژل شوي او درې نور ټپیان شوي دي.
خو تیره شپه یوې امنیتي سرچینې شمشاد ته وویل، د لومړنیو مالوماتو له مخې څلور د ملي اردو سرتیري وژل شوي او یو شمیر نور ټپیان شوي دي.
چاودنه کې د شاوخوا ملکي وګړو کوروته هم زیان اوښتی او دغه راز د ملي اردو په جوابي برید کې طالبانو ته هم مرګ ژوبله اوښتې، خو کره شمیر یې ندی مالوم.
یوې بلې امنیتي سرچینې شمشاد ته ویلي، طالبانو دوه موټر بم چاودنې کړي چې یوه یې د مازدا موټر او بله د رینجر موټر په وسیله شوې ده.
اما طالبانو بیا تر اوسه په دې تړاو څه نه دي ویلي.
