د هلمند امنیتي مسوولین وايي، تېره شپه یې په هلمند کې د طالبانو مهم مرکزونه په نښه کړي.
د هلمند مارجې ولسوالۍ کې د وسله والو په مرکزونو هوايي بریدونه شوي دي.
د دوه سوه پنځلس میوند قول اردو څخه خپره شوې خبرپاڼه لیکي چې بریدونو کې د وسله والو پټنځایونه له منځه تللي چې اته وسله وال طالبان پکې وژل شوي دي.
خبرپاڼه لیکي، بریدونه تېر ماښام او او ماخوستن شوي دي.
د خبرپاڼې په لیکنه، د ملي اردو انجینري ډلي د ګرشک ولسوالۍ اړوند لس کړۍ ماینونه چې په سړک ځای په ځای شوي و، کشف او شنډ شوي دي.
