د هلمند خلک له حکومت او طالبانو اوربند غواړي .
د جګړه ځپلي هلمند ولایت خلکو د یوه لاریون پرمهال له دواړو غاړو د روژې په میاشت کې د اوربند غوښتنه وکړه.
دوی وایي په روانه جګړه کې یوازې د غریب اولادونه قرباني ورکوي نو له دواړو غاړو د جګړې پایته رسیدو او سولې غوښتنه کوي، په دغه لاریون کې تر ډيره هغه کسان راټول شوي چې د کورنیو غړي یې د روانې جګړې له امله دلاسه ورکړي دي.
د دوی په منځ کې ډېری هغه کسان دي چې د کورنۍ غړي یې په روانې جګړه کې وژل شوي دي.
دوی وایي، پيل شوې جګړه له عامو افغانانو قرباني اخلي او هغوی سوله نه غواړي چې په جګړه کې یي ګټې خوندي دي.
د ملکي مرګ ژوبلې مخنیوی، د جګړې ښکېلو غاړو د زندانیانو آزادول، اوربند او نور موارد یې د پریکړه لیک مهم ټکي وو.
افغان دولت هم په مشروط ډول د اوربند لپاره چمتوالی نیولي خو طالبانو رد کړی دی.
افغان ولس تمه او غوښتنه لري چې لږتر لږه د روژې میاشتې کې اوربند وشي .
