د چین په ځانکړې اداري سیمه هانګ کانګ کې د اپل په نوم یوه ورځپاڼه نن خپله وروستۍ ګڼه چاپ کوي او له دې وروسته به د تل لپاره تړل کېږي.
د یادې ولسواکۍ پلوې ورځپاڼې مسوولیونو ویلي، وروسته له هغې چې پر دفتر یې د پولیس له خوا چاپې واچول شوې او مشر یې ونیول شو، نن یې د ورځپانې فعالیت د تل لپاره بندیږي.
د مالوماتو له مخې، یادې ورځپاڼې هلته شااوخوا۲۶ کال فعالیت کړی، خو له دې وروسته د هانګ کانګ ملي امنیت قانون پر بنسټ بندیږي.
له دې وړاندې د اپل ورځپاڼې پنځه میلیونه ډالر پانګه هم کنګل شوې وه.
