نړیوال بانک هڅه کوي د افغانستان له کنګل شوې شتمنۍ ۵۰۰ میلیونه ډالره ازادې کړي

د رویټرز د راپور پر بنسټ، نړیوال بانک له امریکا سره خبرې روانې کړي،چې شااوخوا ۵۰۰ میلیونه ډالر د بشرپالنې مرستو او همکاریو لپاره ازاد کړي.

رویټرز ویلي، نړیوال بانک پرېکړه کړې ده،چې په افغانستان کې د بشري ناورین د مخنیوي لپاره د دغه هېواد خپلې،خو کنګل شوې پیسې د بیا رغونې له صندوق بشري ادارو ته ولېږدوي.

خو اندېښنې دا دي که دا کار وشي، نو له ګټې یې زیان زیات دی او هغه ځکه چې نړیوال له دغه پیسو اویا سلنه د خپلو دفترونو کرایو، موټر تیلو او کارکوونکو معاشونو ته ځانګړې کوي او پاتې دیرش سلنه یې افغانستان ته ورکوي،چې د هغې په شفافیت کې هم شک شته دی.