نړیواله ټولنه د سولې هوکړې وروسته هم له افغانستان سره مرستو ته دوام ورکوي.
د یوناما مشر د جېنېوا غونډې پای کې ویلي، ګډونکوونکو هېوادنه هوکړې ته رسېدلي چې تر ۲۰۲۰ م کال پورې له افغانستان سره مرستو ته دوام ورکړي.
مالیې وزارت سرپرست بیا ژمنه کړې چې د ځان بسیاینې لپاره به هڅې ګړندۍ شي.
له شپیتو زیاتو هېوادونو او بنسټونه چې د جېنېوا کنفرانس کې راټول شوي، هوکړې ته رسېدلي چې له افغانستان سره به مرستو ته دوام ورکوي.
د جېنېوا غونډې په پای کې د یوناما مشر وايي چې غړي هېوادونه به راتلونکي کې هم له افغانستان څخه ملاتړ ته دوام ورکړي.
په افغانستان کې دملګرو ملتونو ځانګړي استازي تدامیچي یاماموتو داسې ویلي (( موږ پوه شوو چې افغانستان ډېر کارونه کړي او ډېرې لاسته راوړنې يې درلودې، د همدې لپاره موږ دې هوکړې ته رسېدلي یو چې موږ به افغانستان سره مرستو ته دوام ورکړو لږ ترلږه تر ۲۰۲۰ م کاله پورې به مرستو ته دوام ورکړو خو بله ناسته به هم جوه شي ))
په داسې حال کې چې افغانستان کې د سولې خبرو لپاره هڅې زیاتې شوي او امریکا هم خپل ښکاره دریځ په ډاګه کړی، اندېښنه دا ده چې آيا بهرني هېوادونه به د سولې هوکړې وروسته هم له افغانستان څخه ملاتړ ته دوام ورکړي .
تدامیچي یاماموتو داسې ویلي (( نړیواله ټولنه به له سولې هوکړې وروسته هم له افغانستان سره مرسته تو دوام ورکړي.))
افغانستان چې اوس مهال د بهرنیو هېوادونو مرستو ته اړتیا لري ، په دې لټه کې دی چې د بهرنیو هېوادونو مرستې تر هغو پورې دوام ومومي چې افغانستان د ځان بسیاینې لپاره چمتو شي.
د ماليې وزير وايي چې د ځان بسیاینې لپاره به حکومت راتلونکو پنځو کلونو کې ګوټلي ګامونه واخلي.
د مالیې وزارت سرپرست داسې ویلي ((په راتلوونکي پنځو کلونو کې مو هڅې دا دي چې له مرسته اخېستونکو هېوادونو څخه ووځو او په خپل ځان باندې متکي شو، زموږ موخه به په خصوصي سکتور باندې کار وي، ټول په دې اند دي چې هېڅ هېواد نشي کولای د بهرنیو هېوادونو په مرسته په ځان بسیا شي.))
د حکومت د ځان بسیاینې لپاره دغه څرګندونې داسې مهال کېږي چې کابو شل کاله کېږي بهرنیان له افغانستان سره مالي مرستې کوي او تمه لري چې افغانستان به په خپلو پښو ودرېږي.
