د جنګي جنایتونو نړیوالې محکمې ویلي، افغانستان کې د جنګي جرمنو په اړه پلټنې نه کوي.
د نړیوالې جنايي محکمې قاضیانو ویلي، افغانستان کې د جنګي جرمونو څېړنې لپاره اوسنی وضعیت سم نه دی، ځکه په وینا یي امکانات محدودوي.
د دغې محکمې قاضیانو په یوه اعلامیه کې، د افغانستان بې ثباته وضعیت او څېړنه کې د امریکا لخوا د همکارۍ نشتوالی هغه موارد یاد کړي چې په خبره یې دغسې څېړنې به د عدالت لپاره ګټه و نه کړي.
نړیواله محکمه دغه خبره له هغې وروسته کوي چې نږدې موده وړاندې امریکايي چارواکو د دغې محکمې اړوند یوې څارنوالې فاتوو بینسودا ویزا فسخه کړه.
ګومان کېږي چې د نوموړې له لوري په افغانستان کې د امریکايي ځواکونو د احتمالي جنګي جرمونو ارزونې ته، غبرګون کې د نوموړې ویزا فسخه شوې ده.
ای سي سي یا نړیواله محکمه د هغو کسانو په تړاو څېړنه کوي او محاکمه کوي چې په توکمیزو، ډله ییزو وژنو، بشر ضد جنایتونو او جنګي جرمونو تورن وي.
د امریکا ملي امنیت سلاکار جان بولټن تېر کال د امریکایانو خلاف د یادې محکمې له لوري د قانوني تعقیب په صورت کې پرې د بندیزونو ګواښ کړی و.
