په ختیځ کې د ۲۰۱ سیلاب قول اردو له لوري په خپره شوې خبر پاڼه کې راغلي، د ننګرهار ولايت اچين او سپین غر ولسواليو کې د پيل شويو عملياتو د دوام پر مهال پرون د هوايي او ځمکنيو بريدونو په لړ کې ۱۸ تنه وسله وال طالبان وژل شوي او ۶ نور ټپيان شوي دي.
خبر پاڼه زیاتوي، د حصارک ولسوالۍ اړوندو سېمو کې د روانو عملياتو په جريان کې دوه تنه وسله وال طالبان وژل شوي او درې نور يې ټپيان شوي دي.
طالبانو تر اوسه پورې د دې عملیاتو په اړه رسنیو ته څه نه دي ویلي.
