طالبانو په ننګرهار کې د پوځ پنځه سرتیري وژلي، دوه ټانکونه یې سوځولي او دوه یې له ځانه سره بیولي دي.
د ننګرهار خوږیاڼو ولسوالۍ نوکړخېلو ډنډو سیمه کې طالبانو د شپې په یوه بجه د امنیتي ځواکونو په پوستو بریدونه کړي، چې له امله یې پنځه سرتېري وژل شوي او پنځه نور ټپیان دي.
سرچینه وایې، وسله والو د امنیتي ځواکونو دوه ټانګونه له ځانه سره وړي او دوه نور چې یو ټانګ او امبولانس دی، سوځولي.
والي ویاند عطالله خوږیانی وایې په دغه پېښه کې لس طالبان وژل شوي او ګن شمېر اولس نور ټپيان شوي دي.
دی وایې په برید کې څلور سرحدي سرتېري وژل شوي او دوه نور ټپیان دي.
زبیح الله مجاهد په رسینو ته په لېږل شوې خبرپاڼه کې ویلي، تېره شپه د ننګرهار ولایت خوګیاڼو ولسوالۍ ډنډو او میمله سیمو کې په حکومتي هغو پوستو بریدونه کړي.
مجاهد ویلي چې په دغو بریدونو کې یې اته سرتیري وژلي، ګڼ نور یي ټپيان کړي، دوه ټانکونه یې نیولي او درې یې سوځولي دي.
