ننګرهار کې د واده پر مراسمو برید: دوه کسان وژل شوي، لس ټپيان دي 

ځايي سرچېنې وايي، د اسلامي امارت سرتېرو پرون شپه د سره رود ولسوالۍ شمشپور مار غونډۍ کلي کې د واده پر مراسمو برید کړی دی.

د سرچېنو په وینا، د عامو خلکو او اسلامي امارت سرتېرو ترمنځ دا شخړه د موسیقۍ غږولو پر سر شوې، چې د اسلامي امارت سرتېرو په ډزو کې دوه کسان وژل شوي او لس نور ټپیان دي.

بلخوا د اسلامي امارت يوې ځايې سرچيني هم تاييد کړې، چې د واده پر مراسمو  بريد د دوی کسانو کړی او په تور يې دوه کسان نيول شوي هم دي.

اسلامي امارت د موسیقۍ غږولو سره مخالف دي او دا عمل نامشروع بولي.