Skip to content
ځايي چارواکي وايي، ننګرهار ولایت کې د خپل تره له لورې تښتول شوې ۵ کلنه ثنا آزاده شوه.
والي ضیاء الحق امرخېل وایي، ثنا څلور ورځې وړاندې د جلال اباد څلورمې ناحیې څخه تښتول شوې وه، چې د ملي امنیت ځواکونو له لورې د کابل ښار دولسمې امنیتي حوزې اړوند بوت خاک سیمه کې د تښتوونکي له منګولو آزاده شوه.
د والي په وینا، د تښتونې په تور د نجلۍ تره، نور حکیم نیول شوی دی.
نور حکیم د روداتو ولسوالۍ اوسېدوونکی دی، چې د ورېرې د خوشې کولو پر بدل یې له خپل ورور ډاکټر عبدالجمیل د ٣٠ زره امریکایي ډالرو غوښتنه کوله.
