ملي مشارکت ګوند مشر وايي ایران او پاکستان نه غواړي په افغانستان کې سوله او ثبات راشي.
د افغانستان د ملي مشارکت ګوند وايي٬ د ایران مجاهدین خلق او بلوڅان په رسمیت پیژني.
له طالبانو څخه د ایران ملاتړ ته په اشارې دا ګوند وایي، افغان حکومت دې بلوڅانو او د ایران مجاهدین خلق ته په افغانستان کې دفترونه ورکړي ترڅو د خپلې آزادۍ څخه دفاع وکړي.
دوی زیاتوي چې ایران او پاکستان د افغانستان په کورنیو چارو کې لاسوهنه کوي٬ او نه غواړي په افغانستان کې سوله او ثبات تامین شي.
د افغانستان د ملي مشارکت ګوند په یوه خبري غونډه کې د ایران مجاهدین خلق او بلوڅان چې په پاکستان کې اوسېږي٬ په رسمیت پیژني او زیاتوي چې دوی د خپلې آزادی لپاره مبارزه کوي.
د ملي مشارکت ګوند مشر نجیب کابلی وايي٬ حکومت دې دغو دواړو ازادۍ غوښتونکو ته په کابل کې نمایندګي ورکړي٬ تر څو له دوی سره مادي او معنوي مرستې وشي.
کابلي په ایران او پاکستان باندې تور پورې کړ٬ چې د خپلو ګټو لپاره په افغانستان کې لاس وهنې کوي٬ او له وسله والو طالبانو سره مرستې کوي.
د ملي مشارکت ګوند مشر نجیب الله کابلي وايي، د ایران مجاهدین خلق او د پاکستان بلوڅان له کلونو راهیسې د خپلې آزادی لپاره مبارزه کوي٬ تر څو بلوڅان له پاکستان او مجاهدین خلق له ایران څخه خپله آزادي واخلي.
