روانه میاشت د هېواد په کچه د صنعت کارانو پر وړاندې د تښتونې او ګواښونو لس پیښې ثبت شوي دي.
د صنعت او کانونو خونې مسوولين وايي؛ که حکومت د صنعت کارانو ژوند او مال ته پاملرنه و نه کړي پر صنعتي کارونو به منفي اغیزه ولري.
صنعت کاران وړاندیز کوي چې د صنعتي پارکونو د امنیت لپاره دې امنیتي پوستې ځای پر ځای او د فابريکو خاوندانو ته دې د وسلې د ګرځولو په برخه کې دې حکومت اسانتیاوې رامنځ ته کړي.
د صنعت او کانونو خونې مسوولین وايي؛ د صنعتکارانو پر وړاندې د ګواښونو او تښتونې پیښې تر بل هر وخت ډېرې شوي.
دوی ورسته له هغې له حکومت څخه د صنعتکارنو د ژوند او مال د خوندیتوب غوښتنه کوي چې څو ورځې وړاندې د ننګرهار په صنعتي پارک کې د يوه فاریکې څښتن وتښتول شو.
د فابریکو او صنعتي پارکونو د مصونیت لپاره وړاندیز دا دی چې صنعتي پارکونه دې احاطه شي چې د غیر مسوول کسانو د تګ راتګ مخه ونیسي.
اوس مهال د هېواد په کچه دیارلس صنعتي پارکونه فعال دي او له څلوېښت قلمه ډېر مواد په کور دننه تولیديږي.
عامه محافظت معینیت د کورنيو چارو وزارت په اډانه کې د پانګوالو او صنعتکارانو د خوندیتبوب لپاره رامنځته شوی خو صنعتکاران نېوکه لري چې ګواکې د خدمتونو بیې یې لوړې دي.
