د ناټو عمومي سرمنشي ینس سټولټنبرګ ویلي، د افغانانو تر څنګ ولاړ دي او په دغه هېواد کې د سولې راوستو لپاره همکاري کوي.
سټولټنبرګ ویلي، د افغان ځواکونو روزنې او ملاتړ ته دوام ورکوي او دغه راز به د افغان ځواکونو د روزنې او تجهیز لپاره بودیجه هم ځانګړې کړي.
د هغه په وینا، د حامد کرزي نړیوال هوایي ډګر په څېر په افغانستان کې د مهمو تاسیساتو د امنیت په ساتلو کې هم همکاري کوي.
نوموړي هیله ښودلې، چې افغانستان کې جګړه ژر تر ژره ختمه او د مذاکراتو له لارې دایمي ثبات او پراخ بنسټه سیاسي حل رامنځته شي.
