ملګري ملتونه: نړیوال دې افغانستان کې شته ګواښ له منځه یوسي

د ملګرو ملتونو عمومي سرمنشي دامنيت انتونیو ګوتېرش شورا له غړو او نړيوالې ټولنې غوښتي، چې ټول په يوه صف کې ودرېږي او په افغانستان کې د شته ګواښ د له مینځه وړلو لپاره ټولې وسیلې وکاروي.

انتونيو ګوتېرش له غړو هیوادونو غوښتي چې، په افغانستان کې اساسي بشري حقونو ته درناوی ډاډمن کړي.

د ملګرو ملتونو امنیت شورا پرون ورځ افغانستان کې د بدلېدونکي وضعیت په اړه ځانګړې ناسته کې پر ښکیلو غاړو غږ کړی، چې د ولسي کسانو امنیت او ژوند ته پام وکړي.

په دې ناسته کې د پاکستان استازي ته د خبرو اجازه نه ده ورکړل شوې.

د پاکستان استازې منیر اکرم له غونډې وروسته خبریالانو ته ویلي، چې پاکستان د افغانستان په سوله کې مهم رول لري، خو هند قصداً اجازه نه ورکوي، چې د افغانستان پر موضوع خبرې وکړي.

بلخوا د کورنیو چارو پخواني وزیر علي احمد جلالي پر خپله ټویټر پاڼه هغه اوازې رد کړي، چې ګواکې د موقت حکومت د مشرۍ بلنه ورکړل شوې ده.

نوموړي په ټولنيزو رسنیو کې خپرې شوې اوازې رد کړي او ویلي یې دي، چې دا ټولې اوازې بې بنسټه دي.