ملګري ملتونه: د اوکراین جګړه کې له ۵۰۰ ډېر ملکیان وژل شوي 

د ملګرو ملتونو د بشري حقونو اداره وايي، دوه اوونۍ وړاندې پر اوکراین د روسیې د برید له پیله تر اوسه پورې په  دغه هېواد کې ۵۱۶ کسان وژل شوي او ۹۰۸  نور ټپيان دي.

په ورته وخت کې یاده اداره دا هم وايي، د مرګژوبلې کره شمېره ښايي تر دې هم  د  پام وړ لوړه  وي.

د یاد په  دفتر راپور کې راغلي دي، چې ډېرو خلکو ته د توپخانې، توغندیو او هوايي بریدونو په څېر چاوېدونکو وسلو مرګ ژوبله اړولې.

اخوا روسیه بیا دا ردوي،چې پر اوکرایین د یرغل په لړ کې دې یې ملکي خلک په نښه کړې وي.