ملګرو ملتونو افغانستان کې د طالبانو د بریدونو بندېدو غوښتنه کړې

د ملگرو ملتونو عمومي منشي انټونیو ګوترېس ویلي،د افغانستان وضعیت له کنتروله وځي.

ګوترې له خبریالانو سره په خبرو کې ویلي، د زور له لارې واک ترلاسه کول د اوږدې کورنۍ جګړې پیل دی او په  خبره یې طالبان باید بریدونه ودروي.

نوموړي ویلي، د زور له لارې واک ته رسېدل به افغانستان د انزوا لوري ته بوځي.

ملګرو ملتونو ویلي، هره ګړۍ په کابل او نورو سیمو کې د وضعیت ارزونه کوي او لا یې هم پرېکړه نه ده کړې،چې خپل کسان وباسي که نه.