ملي دفاع وزارت وایي، وسله والو طالبانو د اختر په شپو او ورځو کې له اوربند څخه سرغړونه کړې او له اوربند وروسته یې جګړې ته شدت ورکړی دی.
ملي دفاع وزارت وسله وال طالبان ملامتوي چې د اختر په شپو ورځو کې یې اوربند نه دی مراعت کړی او خپلې جګړې ته یې زور ورکړی و.
دفاع وزارت وایي، د اختر په درې ورځو کې د طالبانو لخوا بریدونو او چاودنو کې لسګونه ملکي وګړي وژل شوي او ټپیان دي. دغه وزارت وايي له اختر وروسته وسله والو په بیلابیلو ولایتونو کي جګړې ته زور ورکړی دی.
پوځي شنونکي بیا وايي، وسله والو طالبانو پر نړیوالو د خپلو غوښتنو منلو لپاره جګړې ته زور ورکړی دی او غواړي دجګړې له لارې واک ته ورسېږي.
طالب ویاند د افغان حکومت ادعا ردوي او زیاتوي چې اوربند ته ژمن پاتې شوي او له اختر وروسته یې وسله وال په دفاعي حالت کي دي.
له درې ورځیني اوربند وروسته حکومت د نويو عملیاتو د پيل اعلان هم کړی دی.
دفاع وزارت وايي د اختر په شپو او ورځو کي د هیواد په بیلابیلو ولایتونو کي وسله والو طالبانو پر امنیتي او دفاعي ځواکونه بریدونه کړي او درنه مرګ ژوبله لري خو طالبان یې مسولیت نه مني او وايي اوربند یې مراعت کړی دی.
