مطمین: د اسیا اولمپیک شورا افغان ورزشکارانو ته ورزشي سکالر شیپونو ورکوي

د افغانستان اولمپیک ملي کمیټې سرپرست رییس انجینر نظرمحمد مطمین ویلي، د نړیوال اولمپیک، اسیا اولمپیک او خیریه اولمپیک له پلاوو سره یې د قطر د بهرنیو چارو وزارت او د دغه هېواد د اولمپیک په کوربتوب ناسته کړې ده.

نظر محمد مطین ویلي، په ناسته کې د اولمپیک نړیوالې شورا له افغان اولمپیک سره د خپلو مرستو جاري ساتلو ترڅنګ ژمنه وکړه، چې افغان لوبغاړو ته به د اړتیا وړ توکي چمتو کوي.

د دې ترڅنګ د اسیايي اولمپیک شورا ژمنه کړې، چې افغان ورزشکارانو ته به ورزشي سکالر شیپونه ورکوي.

د اسلامي امارت له حاکمیت وروسته د اولمپیک ملي کمیټې فعالیتونه په کور دننه او له هېواده بهر چټک شوي او د پاکستان او ترکیې په ګډون یو شمېر هېوادونو کې یې افغانستان ته ویاړونه راوړي دي.