پکتیا کې امنیتي مسوولین وايي، سوېل ختیځ کې یې طالبانو ته سخت ګوزارونه ورکړي.
د دوه سوه دری تندر قول اردو وایي ، چې سویل ختیځ زون کې یې د طالبانو الفتح عملیات له ناکامۍ سره مخامخ کړي .
د تندر قول اردو قومانداني وایي ، چې د زون په یو شمیر ولایتونو کې د طالبانو د الفتح عملیاتو په پیل سره افغان ځواکونو د هغوی پر پټنځایونو پراخ بریدونه کړي او لسګونه کسانو ته یې مرګ ژوبله وراړولې .
امنیتي چارواکي وايي ، چې سویل ختیځ زون کې د افغان طالبانو تر څنګ بهرني وسله وال هم د افغان ځواکونو پر وړاندې جګړه کوي خو پر وینا یې چې وبه ځپل شي .
۲۰۳ تندر قول اردو کې له درې میاشتنۍ زدهکړو وروسته د نږدې ۶۰۰ سرتیرو د فراغت مراسم ترسره شول .
په دغو مراسمو کې د قول اردو قوماندان تورن جنران دادان لونګ وویل ، چې سویل ختیځ زون کې یې د طالبانو الفتح عملیات له ناکامۍ سره مخ کړي او افغان ځواکونو د هغوی په یو شمیر مرکزونو بریدونه کړي او لسګونه کسانو ته یې مرګ ژوبله ور اړولې .
دادان لونګ همدا راز وایي ، چې سویل ختیځ زون کې پر افغان وسله والو سربیره بهرني وسله وال هم د امنیتي ځواکونو پر وړاندې جګړه کوي خو پر وینا یې چې وبه ځپل شي .
تازه فارغ شویو سرتیرو د هیواد په هره برخه کې دندې ترسره کولو ته چمتووالی وښود او وایي ، چې د هغه ډلو پر وړاندې به جګړه وکړي چې سولې ته نه حاضریږي .
طالبانو د تندر قول اردو قوماندان د دغه د تازه څرګندونو په اړه څه نه دي ویلي خو د هیواد په کچه پیل شوي الفتح عملیات بریالي بولي او هره ورځ یې مالومات له رسنیو سره شریکوي .
