د هېواد په شااوخوا ۲۷ ولايتونو کې وروستي سيلابونو او توپانونو خلکو ته له ځاني زیانونو سربیره درانه مالي زیانونه هم اړولي دي.
د طبیعي پېښو پر وړاندې د چمتوالي چارو کې د دولت وزارت مرستیال شرف الدین مسلم وايي،د ورستيو طبیعي پیښو له امله ۲۰ تنه مړه ، ۳۰ تنه ژول او ۲ تنه ورک شوي دي.
د یادو سیمو اوسېدونکي وایي،د شدیدو توپانونو او سختو دوړو له امله یې د سولري برېښنا تختې یې راغورځیدلي او فصلونه یې ورته له منځه وړي دي.
پروان کې بیا سیلابونو د خلکو ژوند ننګولی او تلفات هم لري. په فاریاب ولایت کې هم وړمه شپه سخت سیلابونه راوتلي او په میمنه ښار کې یې ښااوخوا ۵۰۰ کورونه زیانمن او ویجاړ کړي دي.
ددې ولایت په شینوارو،سیاه ګرد او شیخ علي ولسوالیو کې د سېلابونو له امله دوه ماشومان مړه شوي او د سړکونو خراب والي له امله د پروان او بامیان ولایتونو لاره هم بنده شوې وه.
