د کابل مرکزي سیلو د چارو مشر انجنیر خیال محمد وايي، د پاکستان له لورې د مرستې په نوم افغانستان ته ور کړل شوي غنم حشرو خوړلې او یواځې پوستکی یې پاتې دی.
پاکستان حکومت څو ورځې وړاندې وویلي ول،چې تر زرګونه ټنه غنم یې له افغانستان سره مرسته کړي دي.
د افغانستان لپاره د پاکستان ځانګړي استازي صادق خان له قوله پاکستان له افغانستان سره په سختو شرایطو کې ولاړ دي او تر دې دمه يې ۳۶۰۰ ټنه غنم د تورخم له لارې افغانستان ته لیږلي دي.
په ټولنیزو رسنیو هم د پاکستان د غنمو مرسته په افغان ولس ملنډۍ بلل شوي او له مسولینو غوښتنه شوې ده،چې بېرته یې ور رد کړي.
له بل لوري بیا د پاکستان په نسبت د هند له خوا مرسته شوي غنم په معیار برابر بلل شوي او د کابل مرکزي سیلو مشر ویلي، دوی به له هندي غنمو د ډوډۍ په پخولو کې استفاده وکړي.
هند څو ورځې وړاندې د پاکستان له لارې ۲۵۰۰ ټنه غنم افغانستان ته رالیږلي دي.
