د افغانستان اسلامي امارت د اطلاعاتو او کلتور وزارت مرستیال ذبیح الله مجاهد وايي، یو شمېر هېوادونو له افغانانو سره بشر دوستانه مرستې کړي او نورو هېوادونو غږ کوو، چې له افغانانو سره خپلې بشر دوستانه مرستې پيل کړي.
مجاهد وايي، تردې مهاله بحرین،متحده عرب امارات او قطر هغه هېوادونه دي،چي له افغانانو سره یې د خوراکي او طبي درملو مرستي کړي.
مجاهد وايي:«عرب امارات،قطر،بحرین تر دې مهاله له افغانانو سره مرستي کړي دي. موږ له نورو نړیوالو هېوادونو څخه غواړو،چي له افغانانو سره بشردوستانه مرستي وکړي.»
اخوا د سیاسي چارو شنونکي بیا وايي،که روان حالت دوام وکړي،خلک به له ستر اقتصادي ناورین سره مخ شي او ټېنګار کوي،چې د اسلامي امارت مشران دې له نړیوالو سره تعمل وکړي،تر څو افغانانو سره مرستي وکړي.
د سیاسي چارو شنونکی عبدالحي قانت وايي:« د اسلامي امارت مشران دې،د نړیوالو توجو جلب کړي،چي افغانان په سخت بد اقتصادي حالت کي قرار لري. دوی باید له نړیوالو سره له تعمل څخه کار واخلي،ترڅو هغوی له افغانانو سره مرستي وکړي.»
تردې مهاله بېلابېلو هېوادونو ۲۳۰ ټنه د خوراکي توکو او درملو مرسته کړې او دا لړۍ دوام لري.
د پاکستان د بهرنیو چارو وزیر شاه محمود قریشي په نړیوالو غږ کړی،چې له افغانستان سره بشر دوستانه مرستي وکړي،ترڅو افغانان له یوه ناورین سره مخ نه شي. تازه کابل ته د پاکستان لخوا مرسته هم را رسېدلې او مسوولینو ته سپارل شوې ده.
بل پلو ملګرو ملتونو هم ویلي، د ځمکي له لاري به افغانستان ته مرستي رسوي او طالبان دي د دوی د مرسته کوونکو کسانو امنیت تامین کړي.
دا خبرې داسې مهال کېږي،چې د اسلامي امارت په واکمنېدو سره خلک له ګڼ شمیر اقتصادي ستونزو سره مخ شوي او زیات ښاریان د بیکارۍ او فقر له امله لاسنیوي ته اړتیا لري.
