متقي له بهره راستانه شویو  افغان سوداګرو او مېرمنو سره وکتل

د  افغانستان اسلامي امارت بهرنیو چارو سرپرست وزیر امیر خان متقي د شنبې پر ورځ د « ۱۴۰۰ کال د کب پر ۱۴ مه» له هغو سوداګرو او میرمنو سره وکتل،چې تازه له بهرنیو هېوادونو راستانه شوي دي.

په لېدنه کې د هېواد پر سیاسي، اقتصادي، ښوونیز بهیر سربیره له بهر مېشتو افغان کادرونو له وړتیاوو،څخه پر ګټې اخیستنې او یو شمېر نورو مسایلو خبرې اترې شوې.

متقي  د هغوی پر راتګ خوښي څرګنده کړې او زیاته کړې یې ده،چې اسلامي امارت حکومت په ټول وس هڅه کوي،چې هېواد پر ځان بسیا شي او د نورو له اړتیا وژغورل شي.

په ورته وخت کې نوموړي ډاډ ورکړ،چې نوی حکومت به په ټول وس د بهر مېشتو افغانانو له وړتیاوو پوره ګټه واخلي.