Skip to content
د افغانستان اسلامي امارت د بهرنيو چارو وزارت سرپرست مولوي اميرخان متقي د یکشنبې پر ورځ د « ۱۴۰۱ کال د چنګاښ پر ۱۲ مه» د قطر پلازمینه دوحه کې د افغانستان لپاره د المان له سفير سټيفن شنیک سره کتلي دي.
په دې کتنه کې د المان سفير سټيفن شنیک ډاډ ښودلی دی،چې هېواد یې له افغانانو سره خپلو همکاريو ته دوام ورکوي.
شنیک ویلي، دوی هڅه کوي،چې له افغانستان سره خپلې اړيکې نورې هم پراخې کړي.
د بهرنیو چارو وزارت سرپرست امیرخان متقي بیا ویلي، مثبت دوه اړخیز تعامل کولای شي،چې د افغانستان او المان ترمنځ په نورو برخو کې هم اړیکې لا پیاوړې کړي.
متقي همدا راز د چین سفیر وانګ یو سره هم جلا کتنه کې پر یو لړ مهمو مسایلو خبرې کړي دي.
بهرنیو چارو وزارت وايي، دغې ناسته کې پر بشري مرستو، اقتصادي همکاریو او دوه اړخیزو اړیکو خبرې شوي دي.
