متقي د المان او ازبکستان له چارواکو سره کتلي

د افغانستان بهرنیو چارو وزارت ویاند عبدالقهار بلخي وايي، د بهرنیو چارو چارسبمالي وزیر امیرخان متقي  د شنبې پر ورځ د «۱۴۰۰ کال د لېندۍ پر ۲۷ مه » اسلام اباد کې د المان له ځانګړي استازي جسپرویک سره لېدنه کړې.

بلخي  پرخپله ټویټر پاڼه لیکلي، لیدنه کې د افغانستان بهرنیو چارو  چارسمبالي وزیر له افغانانو سره د دغه هېواد له ۶۰۰ میلیونه یورو مرستې مننه کړې او افغانستان ته یې پر ژر انتقال ټینګار کړی دی.

هغه زیاته کړې،چې دغه پیسې باید د افغانستان د بانکونو له لارې افغانانو ته ورسېږي.

همدارنګه د بهرنیو چارو چارسبمالي وزیر امیرخان متقي د ازبکستان هېواد د ټرانسپورټ د وزير الهام محکموف په مشري پلاوي سره هم  کتلي دي.

بلخي وايي،لېدنه کې ازبکستاني پلاوي د افغانستان بهرنیو چارو وزیر ته ډاډ ورکړی دی،چې په راتلونکي پسرلي کې به د ازبکستان – افغانستان – پاکستان د ريل پټلۍ جوړېدو چارې هم پیل شي.

په دې کتنه کې ازبکستاني پلاوي د افغانستان د بهرنیو چارو چارسبمالي وزیر ته بلنه ورکړې ده،چې ازبکستان ته ورشي او له افغانانو سره یې پر مرستو ټینګار کړی دی.