مایک مورل: طالبان به یو ځل بیا القاعده شبکه افغانستان ته راداخل کړي.
د امریکا د استخباراتو پخواني سرپرست له افغانستانه د امریکايي ځواکونو د ایستلو په اړه خبرداری ورکړی دی.
د امریکا د استخباراتو پخواني سرپرست او مرستیال مایک مورل اندېښنه ښودلې که امریکا له افغانستان څخه خپل ټول سرتېري وباسي، نو د سپټمبر یوولسمې بله پېښه به تکرار شي.
مایک مورل دا هم ویلي چې د ایمریکايي ځواکونو له وتلو وروسته به طالبان په څو کلونو کې بېرته القاعده شبکه افغانستان ته را وغواړي.
له دې سره یو شمېر رسنیو خبر ورکړی چې امریکا پلان لري د خپلو ځواکونو له ایستلو وروسته دلته خپل استخباراتي حضور فعاله وساتي.
پخواني او اوسني امریکايي چارواکي په داسې حال کې له افغانستان څخه د امریکايي ځواکونو د ایستلو په تړاو څرګندونې کوي چې د امریکا او طالبانو تر منځ د سولې خبرو کې د ډېرو پرمختګونو خبر ورکړل شوی دی.
