مالیزیا افغانستان کې د ټول شموله حکومت پر جوړېدو ټینګار وکړ

د مالیزیا بهرنیو چارو وزارت، افغانستان کې د ټول شموله حکومت پر جوړېدو ټینګار کړی او  وايي، دوی به په قطر کې د خپل سفارت له لارې له  اسلامي امارت سره په اړیکه کې وي.

 یاد وزارت زیاتوي، اسلامي امارت باید افغانستان کې داسې نوی حکومت رامنځته کړي،چې د ټولو خلکو، په ځانګړي ډول د ښځو حقونه په کې تضمین وي.

دا په داسې حال کې ده، پرون د رئیس الوزرا سیاسي مرستیال مولوي عبدالکبیر وویل، د امارت غېږه د ټولو افغانانو پر مخ خلاصه ده او ټولو هغو افغانانو ته به په حکومت کې د خدمت زمینه برابروي،چې وړتیا ولري.