د ماليې وزارت د نغدي جریمې د معافیت موده وغځوله
د مالیې وزارت پانګوالو لپاره د نغدي جریمې د ۹۵ سلنه معافیت موده وغځوله.
وزارت پانګوالو لپاره ۹ میاشتې موده ورکړې وه چې د شنبې ورځ پای ته ورسیده خو مالیه ورکوونکو د زیاتې مراجعې له امله د روان کال د قوس تر وروستۍ نیټې تمدید شوه.
د اصلي جریمې پنځه سلنه ورکړې سره حکومت خصوصي سکتور ته شل میلیارده افغانۍ معافیت ورکړی او په اعلان شویو موده کې له لویو، منځنیو او کوچنیو شرکتونو نږدې ۸ میلیارده افغانۍ ټولې کړي.
د مالیې وزارت د سوداګرو د هڅونې لپاره له ۱۳۸۱ تر ۹۶ لمریز کال د نغدي جریمو د ۹۵ سلنې په معافیت سوداګرو ته د مالیاتو د تصفې ۹میاشتې وخت ورکړی خو د لړم په پنځمه نیټه پای ته ورسید.
د مالیې وزارت د عوایدو او ګمرکونو مرستیال عبدالله رقیبي وویل، د اعلان شوي فرصت وروستیو کې د افغانستان بانک کې د مالیاتو د ورکړې تحویل چټک شوی نو ځکه دا موده د قوس تر وروستۍ نېټې غځېدلې.
حکومت دغې پریکړې سره د ملي خزانې په ورک حساب ۲۰،۷ میلیارده افغانۍ پور د معافیت له برکته ۸ میلیارد راټولې کړي.
د ماليې وزارت د عوایدو مشر عبدالحبیب ځدراڼ وویل، که پانګوال تمدید شوې موده کې مالیه ورنکړي په لوړه بیه به ورته تمام شي.
خصوصي سکتور د حکومت له تازه امتیاز خوښ دي او ژمنه کوې چې پوروړي صنعتکاران او سوداګر به د مالیاتو ورکړې ته چمتو کړي.
پخوا به پانګوال د مالیې نه ورکړې له امله څو چنده جریمه کیدل خو د مالیاتو قانون په تعدیل اوس پوروړی د اصلي مالیې او جریمې په مساوي کیدو له اضافه جریمې معاف شوی.
مالیې وزارت ګواښ وکړ، که سوداګر تصفیه ونکړي جریمه کیږي، عدلیې ارګانو ته معرفې ، ملکیتونه به یې وپلورل شي او ممنوع الخروج کیږي.
د سوداګرۍ او صنایعو خونې وایې د ټکس ورکړې انکار نکوي خو مالیې وزارت دې مالي او ګمرکي قوانین ساده کړي.
