د کونړ ولسونه او مسوولین وايي لښکر طیبه ډلې د کونړ ځنګلونو وهلو او قاچاق ته مخه کړې.
د کونړ والي وايي، لښکر طیبه او هغه وسلهوالې ډلې چې پاکستان يې حمایه کوي د کونړ ځنګلونه قطعه او قاچاق کوي.
عبدالستار میرزکوال د ځنګلونو ساتنې په موخه ولسې غونډه کې ویلي، د ځنګلونو ساتنې په موخه شنه امنیتي قطعه رامنځته کوي.
د دې ولایت د زارعت ریاست وايي، تر ۳۵ سلنه پوري ځنګلونه پري شوي او لا هم لرو سیمو کې دا لړۍ دوام لري.
د کونړ قومې مشرانو بیا ویلې د ځنګلونو وهل او قاچاق کې، خپله حکومتې مسولین هم ښکیل دي.
په همدې مراسمو کې د کونړ والي وویل چې، ځنګلونه د لښکر طیبه او نورو هغه ډلو له لوري وهل او قاچاق کېږي چې، پاکستان يې ملاتړ کوي.
قومې مشرانو له شمشاد سره په خبرو کې وویل چې، تر ډیره يې هڅه کړي د قومې تړو له مخې د کونړ ځنګلونه د قاچاقبرو له ارو وساتې.
دوی وايي، په تېر کې د حکومت په اډانه کې یو شمېر چارواکو د کونړ د ځنګلونو په پرې کولو او قاچاق کې لاس درلود، خو وايي لا هم د ځنګل وهلو لړۍ نه ده ولاړه.
والي عبدالستار میرزکوال ډاډ ورکوي چې د ځنګلونو پرې کولو مخنیوي په موخه یې د ولسي شنې قطعې د جوړولو وړاندیز کړی دی چې تر یوه برید به دغه ستونزه هواره شي.
د کونړ د کرنې رئیس انعام الله ساپی وايي، په هغو سیمو کې لا هم د ځنګلونو وهل دوام لري چې، د حکومت له ولکې ورها خوا دي.
کونړ مېشتي ولسونه بیا د دوی او حکومت له لوري په تازه هوکړه لیک هم ډیر باوري نه دي او وايي، که خپله حکومتي چارواکي بیا هم په یو ډول نه یو ډول په ځنګل وهنه کې لاس ولري نو د پاتې ځنګلونه به هم په شاړې بدل شي.
خبریال
محمدزمان سهیل
سمونه
جان محمد مومند
