د امریکا د مرکزي قومندانۍ پخوانی چارواکی او دفاع وزارت ته نوماند، جنرال لوېډ آسټین ویلي چې پاکستان د افغانستان سوله کې مهم رول لوبوي او د امریکا نوې اداره ورته په افغانستان سولې هره پروسه کې د خپل مهم او اساسي شریک په نظر ګوري.
هغه ویلي که د امریکا له کانګرس څخه یې د باور رایه ترلاسه کړه نو په داسې یو سیمه ییز میکانیزم به کار وکړي چې له مخې به یې د پاکستان پشان هیوادونو څخه ملاتړ کیږي.
د اسټین په وینا، د پاکستان له پوځ سره د اړیکو ټینګول راتلونکې کې د امریکا او پاکستان ګډ کار ته لار پرانیزي او په وینا یې چې پاکستان کولی شي د القاعدې او اسلامي دولت ډلې پر ضد اغېزمن ثابت شي..
جنرال لوېډ آسټین همداراز ویلي چې پر پاکستان به فشار راوړي تر څو ترهګرو ډلو ته په خپله خاوره کې ځای ورنکړي.
د نوموړي په وینا، د پاکستان حکومت د هند ضد ترهګرو ډلو خلاف هم ګامونه اوچت کړي دي
