له بهره نن بیا یوه ډله افغان سوداګر او پانګه وال هېواد ته راستانه شول

له بهره راغلي افغان سوداګر او پانګه وال وايي،غواړي بېرته کارو بار پیل کړي او په هېواد کې پانګونه وکړي.

دوی وايي، نورو افغان سوداګرو هڅولي  دي،ترڅو هېواد ته راشي او پانګونه وکړي.

افغان سوداګر عمرجمال وايي:«غواړو،په هېواد کې کارخونې جوړي کړو،چي په بېلابېلوبرخو پانګونه وکړو او سلګونه ځوانان به په کارشي.»

له بهر راستانه شویو دغو افغان سوداګرو په اسلامي امارت غږ وکړ،چې د پانګونې په برخه کې اسانتیاوې رامنځته کړي،تر څو دوی ځوانانو ته د کار زمینه برابره او صنعت ته وده ورکړي.

افغان سوداګر  عمر جمال وايي:« له اسلامي امارته غواړو،چي د پانګه والو ملاتړ وکړي او زمینه سازي وکړي او د امنیت په برخه کي همکاري وکړي.»

اسلامي امارت بیا تازه را ستنو شویو پانګه والو ته د خوندي امنیت ډاډ ورکړی دی.

دا د افغان پانګوالو او سوداګرو دویمه ډله ده،چې له څو میاشتو وروسته خپل هېواد ته راستنېږي.

د مالوماتو له مخې، د وروستیو نا امنیو او په هېواد کې د سیاسي تحول وروسته له زرو زیات واړه او ستر پانګه وال له هېواد وتلي او زیات یې بېرته راستانه شوي دي.