پخوانی امریکایي جنرال ډیویډ پټریوس،چې په افغانستان کې یې هم کلونه ماموریت ترسره کړی وایي، امریکا د سرتېرو په اېستلو کې بېړه وکړه او په خبره یې دا به ټوله سیمه ګواښ سره مخ کړي.
پټریوس وايي، هېڅ داسې څرک نهشته،چې وښيي په افغانستان کې جګړه پای ته رسېدلې او یا ترهګرې ډلې ختمې شوې دي.
هغه وايي، وېره لري،چې یوه ورځ امریکا شاه ته وګوري او له افغانستان په وتلو به پښېمانه شي.
پټریوس همدا راز وایي، د افغانستان نا امني به ټوله مرکزي او سوېلي اسیا نا امنه کړي، نو له همدې امله له دغه هېواده د بهرنیو ځواکونو وتل ښايي پر لوړه بیه تمام شي.
هغه په افغانستان کې وروستۍ جګړې او تاوتریخوالی هم خواشینوونکی بللی او د دغه تاوتریخوالي د درېدو غوښتنه یې وکړه.
