د امریکا متحده ایالتونو آستازو جرګې یوه غړي میچ مکانیل پرون له افغانستانه د ځواکونو د اېستلو په اړه د ولسمشر جو بایډن پر پلان نیوکې کړي او هغه یې د ویښو مازغو کار نه دی بللی.
مکانیل اندېښنه ښوولې،داسې دلایل شته،چې القاعده شبکه به بېرته تاریخي خوندي پناه ځای کې بیا ځان منظم کړي.
په ورته وخت کې بیا یو شمېر نور امریکايي سناتوران له افغانستانه د ځواکونو د اېستلو ملاتړ کوي.
د مارک پاکن په مشرۍ د کانګرس ۲۳ غړو د جمعې په ورځ ولسمشر بایډن ته په یوه لیک کې د ځواکونو د اېستلو ستاینه کړې او زیاته کړې یې ده،چې له دې سره به د امریکايي مالیه ورکوونکو۵۰ ملیارده ډالره سپما شي.
دوی وړاندیز کړی،چې دا پیسې دې په امریکا کې پر هغو کسانو مصرف شي،چې استوګنځي نه لري یا بې کوره دي.
د مالوماتو له مخې، تر اوسه په سلو کې ۲۵ سلنه بهرني ځواکونه له افغانستان وتلي دي.
