قریشي: په چین کې جوړېدونکې ناسته کې به د افغانستان پر وضعیت خبرې وشي

د پاکستان بهرنیو چارو وزیر شاه محمود قریشي په چين کې د افغانستان په تړاو د جوړېدونکې ناستې په تړاو جزئیات ورکړي دي.

قریشي وایي،په دې ناسته کې به د افغانستان د ګاونډيو هېوادونو استازي د افغانستان پر وضعیت خبرې وکړي.

پاکستان، ترکمنستان،ازبکستان، تاجيکستان په خپله چین د یادې ناستې ګډونوال ښودل شوي دي.

تمه ده،چې په چین کې د افغانستان په تړاو جوړېدونکې ناسته کې به د اسلامي امارت استازي هم ګډون وکړي.

د افغانستان اقتصادي او بشري ناورين د یادې ناستې د بحث مهم ټکي ښودل شوي.

اسلامي امارت وایي، د افغانستان په تړاو د هرې هغې ناستې هرکلی کوي،چې د افغانستان د رسمیت پېژندنې او دلته د روان وضعیت په ښه کېدو کې مرسته کولای شي.