فارن پالیسي: امریکا پر ځینو طالب مشرانو د سفر بندیز لرې کولو د مودې غځولو غوښتنه کړې

فارن پالیسي نشریې ویلي، امریکا د ملګروملتو له امنیت شورا غوښتي، چې د ځینې طالب مشرانو د سفر د بندیز د معافیت موده وغځوي، څو په ځینو لویو سیاسي غونډو کې برخه واخلي.

ویل کېږي، د طالبانو د ۱۴ مشرانو د سفر د بندیز د معافیت موده روانه سیپټمبر میاشت کې پای ته رسېږي.

امریکا وړاندیز کړی، چې د طالب مشرانو د سفر د معافیت موده دې د ډسمبر میاشتې تر ۲۲ نېټې پورې وغځول شي.

راپور کې دا هم ویل شوي، چې دا معافیت طالبانو ته اجازه ورکوي، تر څو  له کنګل شویو بانکي حسابونو څخه د سفر د لګښت پیسې هم واخلي.