د غزني د والي ویاند واحدالله جمعه زاده وایي، تېره شپه شاوخوا اته بجې د غزني ښار اړوند د روضې کوتل سیمه کې د عامه ساتنې پولیسو پر کنډک موټربم برید شوی او له هغې وروسته وسله والو له امنیتي ځواکونو سره نښته هم کړې ده.
د کورنیو چارو وزارت ویاند طارق ارین وایي، په نښته کې او موټربم برید کې ۷ امنیتي سرتیري وژل شوي او ۱۶ نور ټپیان دي.
د سرچینو په وینا، یاد موټربم د هاموې ټانک څخه په استفادې سره شوی دی.
په ورته وخت کې، د کورنیو چارو وزارت ویاند طارق ارین وایي، وسله والو تېر ماښام د عامه ساتنې پر قطعې لومړی د موټر بم برید کړی او وروسته یې غوښتل چې د قطعې دننه لاړ شي، چې د امنیتي ځواکونو لخوا وژل شوي دي.
د دغه وسله وال برید او موټربم چاودنې مسوولیت تر دې مهاله کومې ډلې نه دی منلی.
