غزني ښار کې موټربم چاودنې درنده مرګ ژوبله اړولې ده.
دا موټر بم برید نن سهار شاوخوا اته بجې د غزني ښار دریمې امنیتي حوزې اړوند د عامه نظم ساتنې پر یو کنډک شوی دی.
د غزني روغتیا ریاست ویلي، په موټر بم برید کې دیرش تنه وژل شوي او ۲۴ نور ټپیان دي.
د وژل شویو او ټپیانو په ډله کې ډيری یې افغان امنیتي ځواکونه دي.
له دې سره د زابل چاودنه کې د ولایتي شورا د رییس یو ساتونکی ووژل شو او د ښځو ماشومانو په ګډون ۲۲ کسان په کې ټپیان شوي دي.
د ولایتي شورا رییس عطا جان حق بیان برسیرن ټپي شوی دی.
دا چاودنه نن سهار د زابل مرکز کلات ښار کې هغه مهال وشوه چې د ولایتي شورا رییس له کوره د شورا پر لور تلو.
د زابل روغتیايي مسولینو د ۲۲ ټپیانو له ډلې د څلورو کسانو روغتیايي وضعیت د اندېښنې وړ ښودلی دی
د چاودنې مسولیت تر اوسه کومې ډلې په غاړه نه دی اخیستی.
