د ملي روغې جوړې عالي شورا مشر عبدالله عبدالله په یوه خپره شوې اعلامیه کې د مسعود اندرابي د ګوښه کېدو پرېکړه عجولانه او د هوکړې خلاف بللې.
عبدالله عبدالله ويلي، په اوسني وضعیت کې د داسې پرېکړو کول د شوې سیاسي هوکړې او ملي ګټو خلاف کړنه ده او دوی ته د منلو وړ نه دی.
ولسمشر اشرف غني تېره ورځ د یو حکم له مخې د کورنیو چارو وزیر مسعود اندرابي له دندې ګوښه او پر ځای یې د کندهار پخوانی والي حیات الله حیات د دغه وزارت سرپرست او جنرال ایوب سالنګی د همدې وزارت د لومړي مرستیال په توګه وټاکل.
