د ملي روغې جوړې عالي شورا مشر ډاکتر عبدالله عبدالله وايي، د سولې په پروسه کې به د مېرمنو ځای او رول غښتلی شي.
عبدالله نن د یادې شورا د رهبرۍ کمېټې له یو شمېر ښځینه غړو او د مېرمنو د حقونو فعالانو سره خبرو کې د سولې پروسه کې د وروستیو بدلونونو په تړاو ویلي، افغانستان به تېر ته نه ورګرځي.
هغه وايي، د سولې په پروسه کې د افغانانو لاسته راوړنې، د مېرمنو ځای او حقوق خوندي او غښتلي کیږي.
هغه دا خبرې داسې مهال کوي،چې په وروستیو کې افغان سوله کې د ښځو پر ونډې او د هغوی د لاسته راوړنو د ساتلو په تړاو په کور د ننه او بهر اندېښنې راپورته شوي دي.
