بهرني ځواکونه باید د یو منځ مهالي مهالوېش پر اساس بهر شي.
طالبان او امریکان په پنځم پړاو خبرو کې چنې وهي چې له افغانستان څه ډول او په څومره وخت کې بهر شي.
له اتلس کلنې جګړې وروسته داګام له دې امله ټکان ورکوونکی دی چې افغانستان په یو ښه وضیعت کې نه ښکاري.
امریکا باور لري چې د سولې تړون ته په رسېدو افغانستان کې خپل قوتونه کموي خو طالبان په لنډ مهال کې د ټولو هغو بهرنیو ځواکونو وتل غواړي چې دوی ورسره په جګړه بوخت و.
اندېښنه داده چې کېدای شي د بهرنیو ځواکونو وتل په اوس کې افغانستان د سیمې هېوادونو لاس ته وغورځوي.
خو د امریکایي ځواکونو د وتلو پرسر اندېښنې دادي چې افغانستان به ګني یو ځل بیا له سخت دریځۍ سره مخ شي.
د امریکا دفاع وزارت نیویارک ټایمز ته مالومات ورکړي چې بهرني قوتونه به له درېیو تر پنځو کلونو له افغانستانه ووځي چې اوه زره یې ممکن ژر ووځي.
اوس د بهرنیو ځواکونو د وتو لپاره دا وړاندیز کېږي چې افغانستان کې دې د لنډمهال لپاره د اسلامي هېوادونو ځواکونه دېره شي.
امریکایانو افغانستان کې اتلس کاله تېر کړل خو په خپل هدف کې بریالي نه یادیږي چې هم پاکستان سره دوستي وساتي او هم افغانستان کې سوله او ثبات راوړي خو د وتو لپاره د مناسب وخت لپاره انتظار لري.
اوس چې دلته مرکزي حکومت له ننګونو سره مخ دی د بهرینو ځواکونو وتلو سره د کورنیو جنجالونو په تړاو انديښنې هم شته.
په افغانستان کې د بهرنیو ځواکونو حضور سره په ښکاره ټول جوړ نه ښکاري خو سیمه کې روان وضیعت ته په کتو ټینګار کېږي چې امریکایان باید په تدریج سره خارج شي.
اوس به ولیدل شي چې طالبان او امریکایان په قطر کې په څه ډول پلان سره قناعت کوي.
