Skip to content
طالبان وایي، د کندهار د سپین بولدک – چمن دروازې د خلاصولو په اړه له پاکستان سره وروستۍ پرېکړې ته رسېدلي او دغه لار به سبا جمعه پرانیستل شي.
په پرېکړه کي راغلي، تلونکي او راتلونکي کسان پر تذکره، پاسپورټ، مهاجر کارډ او شناخت کارډ دواړو لورو ته د سهار له اتو د مازیګر تر څلورو بجو تګ راتګ کولای شي.
طالبان وايي، دوې ورځې وړاندې هم ورته پرېکړه اعلان شوې وه، خو پاکستاني لوري وعده خلافي وکړه.
اعلامیه کې زیاته شوې چې د لارې د خبرتیا خپرېدو وروسته زیات مسافرین دواړو غاړو ته راغلل، خو د اجازې د نه ورکړې له امله له سختیو سره مخ شول، ان ځینو ناروغانو ساه ورکړه.
