وسله والو طالبانو د کندز قلعه ذال ولسوالي سقوط کړه.
د کندز د قلعه زال والسوالۍ یوې امنیتي سرچینې شمشاد ته وویل، چې نن ماښام ۷ بجې طالبانو له څو خواوو د یادې ولسوالۍ پر امنیه قومندانۍ او ولسوالۍ مقام بریدونه وکړل او دوی اړ شو چې ولسوالي ورته پرېږدي.
حکومت تر اوسه په رسمي ډول د ولسوالۍ د سقوط په اړه څه نه دي ویلي.
قلعه ذال ولسوالي په داسې حال کې د طالبانو لخوا سقوط کیږي، چې تیره شپه د یاد ولایت دشت ارچي ولسوالي هم د طالبانو لخوا سقوط شوه، چې تر اوسه بېرته د افغان ځواکونو لاسته نه ده ورغلې.
وسله والو طالبانو تیره شپه ادعا کړې، وه چې د د شت ارچي ولسوالۍ د سقوط پرمهال یې ګڼ شمیر افغان ځواکونو ته مرګ ژوبله اړولې او مهم تجهیزات یې لاسته ورغلي دي.
خو د یادې ولسوالۍ امنیتي مسوولینو د وسله والو طالبانو دغه ادعا رد کړې او زیاته یې کړه، چې دوی دشتې ته شاتګ کړی او مرګ ژوبله نه لري.
