طالب ویاند ذبیح الله مجاهد پر خپل ټویټر لیکلي، په دغه کمېټه کې به د اسلامي امارت د فرهنګي کمیسیون باصلاحیته غړي، د خبریالانو او رسنیو د بنسټونو د فدراسیون غړي او د کابل امنیه قومندانۍ یو تن باصلاحیته استازی ګډون ولري.
د ذبیح الله مجاهد په خبره، دغه کسان به د رسنیو ستونزو ته رسېدنه کوي.
تر دې وړاندې هم مجاهد په یو خبري کنفرانس کې خبریالانو ته ډاډ ورکړی وو، چې که د رسنیو نشرات یې د اسلامي او افغاني ارزښتونو خلاف نه وي او بې پرې وي، طالبان یې د کار مخه نه نیسي.
