د سیاسي چارو شنونکی ویس ناصري وايي: «هغوی خبرپاڼه کې خوږې کلمې ذکر کړي، خو خبرې او عمل یې سره توپير لري. دوی محدویتونه او انحصار کوي او مبارزه یې همدا ده.»
د خلکو په بارو د دې پالیسۍ په یو شمېر ټکو طالبانو مخکې هم ټینګار کړی،خو عملي شوي نه دي او خلک رضایت نه لري.
سیاسی فعال سیرت ساپی وايي:«سره له دې چې کابینه نمګړتیاوې لري او پالیسۍ کې ښو ټکو ته اشاره شوې، ژمنې نه عملي کېږي او خلک له طالبانو رضایت نه لري، ورځ تر بلې اندښنې زیاتېږي.»
یو شمېر نور کارپوهان بیا زیات خوشبین نه دي، چې خپره شوې خبرپاڼه کې ټول موارد دې عملي شي.
سیاسي شنونکی ویس ناصري وايي: «د طالبانو شل کلنه مبارزه یوازې د قدرت او شخصي ګتو لپاره وه،نه د اشغال پای ته رسیدو لپاره او یا د اسلامي نظام حاکمیت لپاره. دوی سره تل د نورو هېوادونو ملاټر وو.»
د طالبانو سرپرست حکومت اعلان سره که څه هم خلکو ته هیلې پیدا شوي، چې درېدلې دولتي چارې به ورسره بېرته پيل او تر یوه حده به شته ستونزې حل شي، خو اندېښنې دا دي، چې اعلان شوې کابینه ټول شموله نه ده او له ننګونو سره به مخ شي.
