Skip to content
د جرمني شپیګل مجلې راپور ورکړی دی،چې د اسلامي امارت له لوري د هغو افغانانو مخه نیول شوې،چې د تخلیې بهیر له لارې جرمني ته تلل غواړي.
راپور کې ویل شوي، دا هغه افغانان دي،چې ژوند ته یې ګواښ پیښ دی او همدا راز یې له جرمنیانو سره کار کړی دی.
دغه راپور د روانې اونۍ په پیل کې خپور شوی دی،خو تر دې دمه یې په اړه د د اسلامي امارت له لوري کوم غبرګون نه دی ښودل شوی.
جرمني غواړي،افغانستان کې د جرمني له بېلابېلو ادارو سره د سیمه اییزو کارکوونکو،سیاسي فعالانو او هنرمندانو لپاره د برلین ته تګ بیړنی پلان بیا پیل کړي.
ویل کیږي،چې دغه پلان له څه مودې راهیسې پر ټپه دریدلی وه.
شپیګل خپل راپور کې وړاندې ویلي،د جرمني موخه دا ده،چې د جولای او سپټمبر میاشتو تر نیمايي پورې ۷ زره او ۷۰۰ کسان خپل هېواد ته ولیږدوي.
