د دوی په باور په دې تړاو د اسلامي امارت وروستی دریځ د دوحې او ابوظبي په کمپونو کې د پرتو افغانانو د ستونزو د حل لپاره غټ ګام دی او پر امریکا او متحدینو یې فشار راوړي،چې په کمپونو کې د مېشتو افغانانو ستونزې ورحل کړي.
د سیاسي چارو شنونکی عزیز معارج وايي:« بهر ته د اېستل شویو افغانانو په تړاو د طالبانو دا دریځ چې پر بهرنیانو باندې فشار راوړي، که د هغوی ستونزو ته رسېدنه ونه کړي، دوی نور افغانان نه پریږدي چې له افغانستانه ووځي. دا یو ښه اقدام دی او ښه غږ دی،ترهغې چې نړیوال بهر ته اېستل شویو افغانانو ستونزو ته رسېدنه وکړي،ځکه په ډېره پیمانه باندې افغانان راوستل شوي دي، نه مشخص ځای ورته شته دی او نه منظم تدابیر ورته.»
شنونکي وايي، دا چې په زرګونه افغانان له هېواده بهر بې برخلیکه دي او د تیرو شپږ میاشتو راهیسې امریکا او اروپا ته د تګ په تمه په کمپونو کې شپې تیروي، یو لامل یې د امریکا غلطۍ پالیسۍ دي او په دې تړاو داسلامي امارت دغه پریکړه چې له دې وروسته له عذر پرته هیڅ کورنۍ ته اجازه نه ورکوي،چې له هېواده بهر ووځي د ملي ګټو او د خپلو خلکو حقونو ساتنې په رڼا کې تصمیم د.
د سیاسي چارو شنونکی مختار هاتف وايي:« ګورئ! ډېر افغانان په بېلابېلو هېوادونو کې بند پاتې دي او دا هم د امریکا متحده ایالاتو د غلطې پالیسۍ نتیجه وه. امارت اسلامي چې اوس کوم تصمیم د افغانستان اتباعو په هکله نیولی دی دا یې د ملي منافعو په رڼا کې کې نیولی دی .»
د د مالومالو له مخې، د متحده عربي اماراتو کې د ابوظبي پنډغالي کې شااو خوا ۱۲ زره افغانان اروپا او امریکا ته د تګ په تمه ساتل کیږي او د نامالومو دلایلو له مخې له تیرو شپږو میاشتو راهیسې متحده ایالتونو او اروپا ته نه لیږدول کیږي.
دوی دوه اوونۍ وړاندې پراخ لاریونونه هم پيل کړل او له امریکا او ملګرو ملتونو یې غوښتنه وکړه،چې برخلیک یې مالوم کړي.
