غالۍ اوبدل په شمال زون کې د ځايي اوسېدونکو پخوانی او مهم اقتصادي صنعت ګڼل کېږي، خو اوس اندېښنې موجودې دي، چي د يو لړ ستونزو له امله د غالیو کاروبار په بې ساري ډول ټکنی شوی دی.
شمال زون کي د غالیو اوبدونکو ټولنې مسوول عبدالستار بېکزاده وايي، د افغاني غالیو لپاره په نړيوال بازار کې د تقاضا کموالی، د صادراتو پر وړاندې خنډونه او د خامو موادو کمښت د دې لامل شوی، چې د غاليو ډېری توليد خونې سقوط شي.
بېکزاده وايي:« د بيلګې په ډول يو شرکت چې له درې زره تر څلور زره د غالۍ اوبدلو کارګاوې درلودې، هغه شرکت اوس خپل فعاليت ځنډولی دی. لامل یې دا دی، يو خو بهرني بازار کې د غاليو لپار تقاضاء کمه شوې، بل دا چې د صادراتو لارې بندې دي او درېيم دا چې سوداګر د روان حالت پر راتلونکي باوري نه دي.»
