شاهین: لویدیځ په لوی لاس د افغانستان اقتصادي بحران ته لمن وهي

د اسلامي امارت د قطر سیاسي دفتر ویاند سهیل شاهین ویلي، افغانستان له ستونزو سره مخ دی،خو لویدیځ هڅه کوي،له شته ستونزو  سره سره هېواد کې اقتصادي بحران ته لمن ووهي.

شاهین ویلي،ستونزې شته دی، خو دا په دې کچه نه دي،چې د اسلامي امارت پایښت وننګوي.

هغه زیاته کړې،لومړنۍ موخه یې پر اقتصادي ستونزو غلبه ده او سره له دې چې د ملت پیسې امریکا بندې کړي،خو له ګمرکي او مالیاتي سرچېنو یې د وزارت خونو د کار کوونکو تنخواوې ورکړي دي.

په ورته وختکې هغه  دا هم ویلي، چې د  پنځلس اروپایي هېوادونو له سفیرانو سره یې لیدلي او هغوی ټولو د همکارۍ ژمنه کړې.